Actividaes

UNIDÁ pola oficialidá 25.11.07

Cartel del CAO de la manifestación pola oficialidá

UNIDÁ participo nes marches y na manifestación cellebrada nel día d’ayeri poles cais d’Uviéu. Más de 20.000 persones asistieron a la manifestación convocada pol CAO (Conceyu Abiertu pola Oficialidá) y alrodiu de 500 nes marches que salieron de Trubia,Mieres, Llangreu, Siero, Xixón y Avilés y llegaron a pie a la Estación de Renfe d’Uvieú, faciendo d’esti actu un de los más multitudinarios na hestoría d’Asturies.

La xornada tuvo marcada pola intensa lluvia, que fino en pasando la manifestación na Plaza del Polier.

Dende UNIDÁ considérase qu’ente la próxima reforma del Estatutu d’Autonomía ye necesario facer visible y sacar a la cai la demanda social qu’existe pola reconocencia de derechos de los falantes de la nuesa llingua y pola so normalización social, daqué que namás se pue algamar, como puntu de partida, cola reconocencia
llegal que supón la oficialidá.