Anuncies

UNIDÁ ente la vergoña de la "Ría de Ribadeo" nos mapes oficiales asturianos 3.11.07

El Puente de los Santos a su pasu pola Ría del Eo.

La formación nacionalista gallega BNG solicitó nel añu 2001 el cambiu de nome de la Ría del Eo po de “Ría de Ribadeo”. Pidir el cambiu de nome de la Ría del Eo en función de que una de les villes de la so ribera, Ribadeo, ye gallega, equival, en primer llugar, a infravalorar ya inorar la importancia de la ribera asturiana del Eo, na que s’atopen les villes de As Figueiras, Castropol y A Veiga, dexando aparte’l ridículu contrasentíu que supon falar de “la ría de la ribera del Eo”, significáu que hai que atribuir a la pallabra “Ría de Ribadeo”. Consideramos qu’esta propuesta fecha nel so día pol BNG ye una provocación más a añadir a la ya llarga llista de agravios que tienen el so orixe na desconsideración haza Asturies: desaniciu del ecosistema marinu con barcos arrastreros, intensa y permanente campaña de degradación ya intentos d’asorción pol gallegu de la fala asturiana, y otres munches iniciatives polítiques, comerciales y nel campu de la comunicación que, direuta o indireutamente, acaban perxudicando a los intereses d’Asturies.

N’esti sen, paeznos qu’el colmo d’esta situación ye qu’el propiu gobiernu del Principáu collabore con esta política, porque en toos los folletos y mapes de carreteres que s’editen dende les conseyeríes asturianes nun se cita a la Ría del Eo pol so nome, sinon con el de “Ría de Ribadeo”.

1º.- Que se realicen les xestiones precises ente’l organismu competente p’afitar el nome de la Ría del Eo.

2º.- Que se iguen darréu, al travies de la Comisión Cartográfica, los folletos y mapes qu’asoleyen la Ría del Eo con el nome de “Ría de Ribadeo”