Elleiciones

UNIDÁ VA PRESENTASE EN TINEU

Conrado Vidal sedrá'l candidatu d'UNIDÁ por Tineu 27.04.07

El comité elleitoral de la coalición UNIDÁ ( Andecha Astur, Izquierda Asturiana y Los Verdes-Grupu Verde ) presentara la candidatura a l’alcaldía de Tineu’l Vienres cuatru de Mayu na Casa la Cultura de Tineu.

L’actu de presentación contará cola presencia d’Inaciu Llope (candidatu a la Presidencia del PPAA por UNIDÁ), Germán Abad ( candidatu d’UNIDÁ pola circunscripción oriental y Secretariu d’Organización d’Andecha Astur), Roberto Menéndez Arnaldo (candidatu d’UNIDÁ pola circunscripción occidental, miembru de la Xunta Executiva d’Andecha Astur y númberu dos de la coalición de Tineu) y Conrado Vidal (candidatu a l’alcaldía por UNIDÁ por Tineu y ex conceyal de Montes).

Daranse a conocer públicamente los candidatos y se falara de los puntos más emportantes del programa elleitoral. Un programa elleitoral que fae hincapié no social y apuesta por un nueu modelu de xestión na Casa Conceyu.

CANDIDATOS

Conrado Vidal Álvarez, angüañu conceyal, sedra’l cabezaleru de la llista seguiu de Roberto Menéndez, estudiante d’Economía, miembru de la Xunta Executiva d’Andecha Astur, Secretariu Xeneral d’Andecha Astur de Tineu y candidatu a la Xunta Xeneral del Principau pola circunscripción occidental.
En tercer llugar tará Xosé Antón Cadierno, químicu de profesión y militante d’Izquierda Asturiana. El cuartu puestu ye pala independiente Mónica Álvarez, filóloga de profesión.