Elleiciones

UN PROYEUTU NACIONALIEGO D'IZQUIERDES Y ECOLOXISTA

La coalición UNIDÁ presentase poles tres circunscripciones y en 15 conceyos. 25.04.07

UNIDÁ va presentase poles tres circunscripciones n’Asturies. Nos conceyos inxertanse llistes de persones de los mesmos conceyos.

A nivel nacional pola circunscripción central, UNIDÁ dira baxo’l formatu UNIDÁ: Andecha Astur-Izquierda Asturiana- Grupu-Verde, presentando de cabezaleru a la Presidencia d’Asturies a Nachu Llope, como númberu 2 a la conceyala d’Andecha Astur de Riosa, Violeta Santapaz , y a Rosa Ana Rodriguez de númberu 3.

Pol oriente la candidatura dira baxo’l nome d’UNIDÁ: Izquierda Asturiana-Andecha Astur – Los Verdes-Grupu Verde llevando de cabezaleru a German Abad, secretariu d’organización d’Andecha Astur y de númberu dos a Patricia Teja, conceyala d’Asturianistes por Nava.

Pol occidente sedrá Roberto Menéndez el cabezaleru, diendo de númberu dos Adrian Vigil como independiente, diendo la candidatura baxo’l nome d’UNIDÁ: Izquierda Asturiana-Andecha Astur- Los Verdes-Grupu Verde.

No que respeuta a los conceyos, UNIDÁ presentase en 15 conceyos, diendo baxo’l nome d’UNIDÁ nos conceyos de Avilés, Castrillón, Xixón, Uviéu, Riosa,Les Regueres, Samartin, Tineu, Valdes y Ayer, como Izquierda Asturiana-Asturianistes en Piloña y Mieres , como Unidá por Corvera en Corvera, como Andecha Carreño en Carreño y en Nava como Asturianistes por Nava ( APN ).

La coalición UNIDÁ cuenta con cuatro conceyales electos en Carreño ( 1 ), Riosa ( 1 ) y Nava ( 2 ) y aspira a meyorar los resultaos nos conceyos onde se vien trabayando angüañu na llabor municipal, onde se tien fuerte implantación. Polo que respeuta a la candidatura nacional UNIDÁ presentase a la sociedá asturiano como una oción política nacionaliega d’izquierdes y ecoloxista viendose como una apuesta de futuru que quier consolidase dientru del so espaciu políticu nestes elleiciones de Mayu de 2007.