Mocedá

Charra-homenaxe a Gaspar Garcia Llaviana 25.11.07

Cartel de la charra sobro Gaspar Garcia Llaviana

El prósimu Vienres 30 de Payares, d’entamar a les 19:00 hores va tener llugar nel Palaciu de Valdecarzana d’Avilés una charra sobro la figura de Gaspar Garcia Llaviana organizau por EMIR y sofitau por UNIDÁ.Na mesma intervendran un representante d’EMIR y Javier Arjona, miembru de Soldepaz Pachakuti y gran conocedor del asuntu.

EMIR fae d’esta mena alcordanza d’un de los asturianos más representativos na hestoria del siglu pasau, no que cinca a la defensa de los intereses de los más desfavorecios, nestí casu en Nicaragua.

Gaspar García Laviana ñació nel añu 1941 en Tiuya (Llangréu-Asturies). Quienes lu conocieron coinciden en señalalu como un home idealista de gran calidá humana, fonderamente identificáu cola xente explotao y una sensibilidá pergrande pa colos problemes que vive Nicaragua: “onde la fame y la sede de xusticia del pueblu oprimíu reclama, más que’l consuelu de les pallabres, el consuelu de l’aición” . Estes pallabres tán recoyíes en so carta-testimoniu que lleó a los feligreses desplicando la so decisión d’ingresar nel “Frente Sandinista de Liberación Nacional(FSLN)”.

En Navidá de 1977, decide a la fin poner en práutica la idea que tuviera camentando por dalgunos meses ya ingresa como militante nel Frente Sandinista (FSLN).

La vida de “Martín”, esi foi’l so nome de guerra, dientro de la organización ta enllena de grandes momentos colos sos collacios; como él dixo una vegada “equí tengo alcontrao a grandes amigos del alma”.. Nel intre de la so muerte, a los 37 años, dirixía una de les columnes qu’operaben na zona sur del país y formaba parte del Estáu Mayor del Frente Sur “Benjamín Zeledón”.

EMIR, organiza esta charra sobro Gaspar Garcia Llaviana.