Mocedá

Comunicau d'EMIR 20.01.08

Énte les estremaes convocatories antirepresives convocaes n’Asturies EMIR quier manifestar lo que vien darréu:

Ye intolerable la creciente criminalización que ta adoleciendo Asturies de manes de los dirixentes políticos, delegáu de gobiernu español n’Asturies y policia incluyíes, intentando acallar pola fuercia o al travies de la intimidación xudicial cualquier voz discordante col sistema que se nos impón.

Lo último, 2 mozos independentistes van ser xulgaos esti martes 22 de xineru por unes supuestes pintaes feches en 2005 y poles que tán acusaos d’Ultraxe a España y daños, nun podemos zarrar los güeyos énte esti doble raseru pa según qué idees, les cais tán estraes de propaganda fascista y nun pasa nada, les palices a inmigrantes tán a la orde del día, la policia detien a 22 persones en cangues por manifestase escontra’l fascismu… pero pintar una muria con un mensax estremáu tien un castigu n’Asturies, ello ye, 4.000 € y dos años de sufrimientu pa estos dos rapazos. Poro, llamamos a la solidariedá con esti casu y con tolos que se dean nun futuru, y solidarizamonos dafechu cola convocatoria de concentración a les 10:15 frente al xulgáu d’Uviéu, amás de col conciertu antirepresivu que se va cellebrar esti sábadu pa recaldar fondos pa los costos del xuiciu.

Per otru llau, los sindicatos CSI ,SUATEA, CNT, CGT, CCOO y USO tienen convocada una manifestación pal mesmu martes, esta vez peles cais de Xixón, contra la represión y poles llibertaes y contra la criminalización de les lluches sindicales y sociales, como organización socialista que somos llamamos a la movilización de la clase obrera polos casos de represión adolecíos en Naval Xixón, Thyssen Airport, Mina la Camocha, Astilleru Juliana, Mina Jovesa…

¡UNA ASTURIES EN LLUCHA, UNA MOCEDÁ DESPIERTA!

¡ESCONTRA LA REPRESIÓN SOCIAL, PUXA ASTURIES DIXEBRÁ!

EMIR

Xunta executiva