Mocedá

EMIR cellebra la retirada de los cartelos xenofobos de DN 2.03.08

Dende EMIR queremos facer una valoración perpositiva de la noticia d’ayeri, según la cual la Xunta Eleutoral d’Asturies, tres la denuncia d’UNIDÁ, ordenaba la retirada “inmediata y sin dilación” de la propaganda eleutoral de calter xenófobu que venía asoleyando la formación fascista Democracia Nacional. N’ella rellacionabase la inmigración cola medra de la delincuencia y unes oveyes blanques “espulsaben” d’una coz a una prieta.

Creemos que ye un fechu importante y que crea un antecedente pa prosimes denuncies por publicidá d’esti partíu qu’anecia con unes postures racistes y dafechu fascistes que nun queremos nin nesti país nin nenyure, amás esta formación, nun actu total de chuleria diz que nun va retirar la so campaña y va siguir alantre, nós tamién siguiremos alantre denunciando, faciendo tolo posible pa qu’estos cartelos illegales nun tengan presencia dala na cai y queremos llamar a tola militancia antifascista a facer lo mesmu.

Nun podemos permitir que’l fascismu medre n’Asturies y con pasos como esti tamos pel bon camín.

EMIR

Mocedá d'Andecha Nacionaliega (UNIDÁ)