Mocedá

Ñacen les nueves mocedaes d’Andecha: EMIR 8.10.07

Col nome d’EMIR, Ensame de la Mocedá Independentista y Revolucionario asoléyase la nueva estaya de mocedá d’Andecha, que ñaz col enfotu d’abrir un nuevu espaciu d’izquierda y soberanista ente la mocedá asturiano. Un espaciu abiertu, democráticu, asambleariu y que fuxa de los fundamentalismos rancios y baratos anguaño esistentes n’otros sectores minoritarios de la izquierda nacionaliega.

EMIR ñaz tamién col enfotu de contribuyir al proyeutu de la xuntura del nacionalismu d’izquierda n’Asturies que representa la coalición UNIDÁ.

Con estos cuatru términos pue resumise en términos xenerales la ideoloxía de la nueva organización de mocedá nacionalista. Un ensame nel que cualquier mozu o moza que se considere d’izquierdes, independentista y revolucionariu podrá participar activamente, militando o simpatizando, cola organización y les campañes que d’equí endelantre ésta desendolque.

Anxando‘l meyor de los futuros pal movimientu d’izquierda nacionalista asturianu, y naguando pola xunión dafechu del mesmu, EMIR quier aprovechar la ocasión p’afitar la UNIDÁ que va contribuir nun proyeutu políticu posible pal xorrecimientu y consoldamientu, asina como inxertamientu nes instituciones, de los nuesos idegales soberanistes.

La independencia d’una persona, comunidá, pueblu o nación siempres sedrá sinónimu de llibertá, progresu y prosperidá.

¡PUXA ASTURIES LLIBRE!
¡PUXA ASTURIES DIXEBRÁ!

EMIR

Ensame de Mocedá Independentista y Revolucionario